Work Text:
“的士司機唔該你快D即刻開車，去邊都得總之快D離開呢一區。“ Anson當刻只想逃離現場
“收到靚仔即走。“ 30分鐘後駛到西環路邊就停下來，“到啦靚仔。”
“請問...... 呢度係邊度黎㗎？“
“呢度係西環，咁你又無話去邊度，我咪揸車上黎買飯囉，放心啦你朋友一定唔會由元朗追到黎呢度嘅，跳錶剛好跳到299.50元。“
“追唔到就好，我都唔想再見到佢，司機真係唔該晒你。 但係我今日唔駛返工，有家又歸不得，我都唔知可以去邊？ 包車全日周圍車我去玩，我去邊都得㗎？ 呢度5000蚊如果唔夠我再比，唔好賣我豬仔就得啦。“ 這時肚子咕咕........
“賣豬仔就唔會啦，不過肚餓豬就有一隻，等一陣依家我去買飯先。“ 司機落車走去對面燒味店
”第一單生意就遇到靚仔大客好過仲六合彩呀，買返盒靚差燒飯醫咗佢個肚仔先。“ 10分鐘後回來手持一袋外賣飯盒回到車上， “呢間燒味店幾好食㗎，趁熱食啦仲買咗罐汽水比你。“
Anson 打開飯盒香氣撲味令人垂涎， “嗯！ 好香白飯味呀！ 我早餐都未食，多謝你呀我唔客氣啦。” 見到白飯眼晴就會笑到彎月，令司機看呆了。
食完飽飯司機提議去一個可以放鬆心情嘅好地方，由半山揸車再上高D就係可以飽覽全港最美麗嘅風景。 到達山頂下車走近欄杆邊一陣陣涼風吹過很舒服心情也好像好了不少。
司機看著眼前風景說， “我都好耐無黎呢度吹風啦，以前我有咩唔開心就會黎揸車上黎呢度放鬆下。 既然我地咁有緣不如我地做個朋友好唔好呀？ 以後Call的士揾我一定到。 ” 抺抺手汗膽粗粗伸手向對方示好， “你好，我叫呂爵安Edan Lui今年28歲，香港大學畢業，職業係的士司機。“
嘻嘻~~ 呢個的士佬側面有型，正面睇真D仲幾靚仔喎。 “咁....... 我都講下我自己先，我叫Anson Lo 盧瀚霆，今年30歲，係城大畢業後創辦自家品牌，負責時裝設計同代言品牌。“ Anson也伸出手握住呂爵安的手代表願意做個好朋友
“多謝你願意同我做朋友呀！係呢，我可唔可以問下...... 點解你今朝走得咁急嘅？ 如果你唔想講都唔緊要㗎，我都係隨口問下。”
“係咁嘅，今朝出去食早餐落到大堂就見返ex咪當佢透明掂行掂過，點知比佢捉住想起返埋一齊。 當時我推開左佢，跟住就衝咗你㗎的士啦。“
“好在你夠機警，以後有咩事打電話比我，多個照應呀。“
“多謝你Edan，好開心識到你，你真係好好人呀。 係呢！ 我地跟住去邊呀？“
“諗住同你去山頂廣場蠟像館啦！ 總之包起我身上你今日會開心到唔想返屋企。“ Edan 打開副座位車門讓Anson先上車
2人吃喝玩樂至晚上10時，Edan便送Anson回家，臨走時也不忘關心。 “Anson 返到去打電話比我，唔係我會担心㗎。“
“知道啦，多謝你今日陪咗我成日呀！ 我明天9點去尖沙咀返工，唔知依家Call定的士得唔得呢？“ Anson唔知點解有點唔捨得，好想明天再見到佢
“梗係無問題啦，聽朝8點係呢度等你啦，你頭髮亂咗呀我幫你整返好先。“ Edan觸摸個一刻覺得自己心動了，想到明天又可以見到Anson立刻由心底笑出來。
“唔該......咁.....明天見啦！Bye Bye。“ Anson面紅紅就下車了
Anson到大堂門口正按著密碼之際，聽到一把聲音身後叫住佢， “Anson你返黎啦？ 我等咗你成日啦，求你比多次機會我以後都唔敢偷食，相信我。”
“點解你仲係度㗎？ 你偷唔偷食已經同我無關係，我地分咗手好耐㗎啦！唔好再纏住我好無！“
“係咪因為頭先個的士佬？ 佢有咩咁好？ 返黎我身邊啦，我會對你好好㗎！“ 捉住Anson的手想拉入自己懷內
“放開佢呀！“ Edan一聲呼喝及時英雄救美將Anson護在身後，“你唔駛止意係我手中搶走Anson!" 身後的Anson被Edan護著好安心，仲要型到核爆
“我認得你就係頭先個的士佬，你知唔知我係邉個呀？ 你有咩資格同我爭仔呀？ Anson我話你知，如果你唔同返我一齊，你公司品牌嘅所有贊助我會全部徹消，到時你公司一定執緊，我諗你應該知點揀啦。嘿......“
“咩贊助咁巴閉呀？ 我話你聽Anson係唔會同你一齊亦都唔要你D臭錢，徹咪徹囉駛驚你呀？ 你夠胆唔徹~~正~~龜~~公！！！“ Edan理正氣壯完全不怕他
“好！ 就睇下無咗我贊助之後你幾時執。 不過Anson如果你比我搞一次嘅話都可以考慮下嘅。“
［啪］Anson走上前一大巴掌打落賤男臉上。 “我見到你就想嘔呀，死開啦賤男，咁鐘意搞野呀啦！“ 一腳踢得落賤男重要部位，痛到生蝦咁跳。 “Edan我地返屋企。“ Anson豪邁轉身拖住Edan去搭𨋢
"Edan 入黎坐啦，今晚真係唔好意思搞到你。不過點解你會返轉頭嘅？“
“因為有隻傻豬仔漏咗個電話囉。“ Edan從褲袋拿出來電話，放在Anson手心上
“邊個係你儍豬仔喎？ 不過好彩有你返轉頭揾我咋，唔係我都唔知點算好。 你想我點樣報答返你呀？”
“如果我話以後每日負責接你返工放工就好啦！“ Edan知道Anson原來都喜歡男仔，而自己又不知不覺喜歡上，那怕只是為了見一面也好
“日日坐的士好貴㗎喎，有無折㗎？嘻嘻~~“
“只要你肯做我尊貴乘客，以後我就係你嘅免費專屬司機，以後隨call隨到。” 看著水汪汪的眼睛情不自禁在額上吻了一下。 “蓋咗印就即時生效。“
“喂呀~ 知唔知淨係男朋友先比鍚我㗎？唔係隨便嘅人黎㗎！“ 點解佢會鍚我嘅，唔通佢都鐘意我？ 頭先鍚落黎我心係咁卜卜跳呀？ 以前都未試過跳得咁快
“咁你可唔可以比個機會我做你男朋友？ 頭先我見到你比人蝦，我個心只係想好好保護你，我咁大個仔都未試過有呢種感覺，人地話拖住鐘意嘅人會心跳加速，由你拖住我走個刻我就知道已經鐘意咗你。 如果你願意做我男朋友嘅話，你願意比隻手仔我嗎？” 'Edan伸出手示意
Anson考慮了一會覆上小麥色的手那一刻，自己也開始感到不正常的心跳和臉上也紅起來了。 “鍚咗人就要負責任㗎，以後記得準時接我啦....我嘅專屬司機男友，嘻嘻......。“ 彎起甜蜜的杏眼，在Edan的唇上落下一吻確認關係
-------------------------------------------------------
關係確認後的第二天Edan接男朋友回公司，Anson返到公司全部電話响不停，職員告知被贊助商突然徹消所有資金、廣告。 公司損失了幾百萬元資金，員工忙著接客戶來電查詢
Lovers是Anson自家品牌兼設計師，當初畢業後拎住一袋二袋自己設計衣服去不同公司推薦，直到3年前開設自家品牌算是有點起色，可是最終是要由零開始嗎？
“Boss，有位叫Edan呂先生想揾你。“ 秘書小姐按對講機報告
“以後呂生過黎唔需要預約，叫佢直接入黎啦。“
“Anson我買咗早餐啦，肚仔應該好肚餓係咪？“ Edan 放低早餐一刻見到眉頭深鎖的男友
“我依無心情食住，唉...... 佢真係徹消晒所有贊助同資金，現在公司蝕咗700萬，依家D客知道咗不停打黎問，點算好呀？“ Anson非常担心的樣子
“唔好担心住食完野我地一齊拆掂佢，好無？” Edan今朝在社交平台睇到賤男大肆宣佈終止Lovers合作有關報道
乖乖的吃完早餐，Edan拎出一份文件交給Anson。 “呢份文件睇完無問題就簽咗佢就唔駛担心咁多啦。“
"咩黎㗎？” Anson細讀所有資料後呆呆看著Edan， “Edan你邊黎咁多錢？ 你賣埋架的士都無理由有咁多錢㗎？ 唔通你借貴利？ 問人借錢？“ 文件註明投資方廣告贊助1000萬
“快D簽咗佢啦，咁荀嘅水魚游埋黎喎， 仲唔快D捉實佢。“ Edan無否認 令到Anson更加相信係賣咗架的士同借貴利
“仲咩話自已係水魚？ 架的士係你揾食工具無咗咁點生活呀？ 你問咗財仔借咗幾錢，我自己都仲有百幾萬積蓄，你睇下唔知夠唔夠還住少少先呢？ 你真傻㗎，為咗我值得咩？ 係我..... 係我連累咗你..... “ Anson沒想過自己一出事只認識了2日的男朋友仆心仆命咁幫自己，覺得自己很無用
Edan拉起Anson的手很温柔的說，“我知我地啱啱識又唔係一齊好耐，但你係我心目中你係我好重要嘅人，我係好認真想同你一生一世，所以你嘅事即係我嘅事，我有責任去為你擋為你分担，今朝當我知道你公司發生事個陣，我就揾諗方法叫律師幫我搞合約，而且我架的士無賣同無借財仔錢，所以你大可放心晒。 揸的士其實係我副業，正職係幫緊我爸爸嘅生意，黎緊會接手成間公司。 個日因為由細睇到我大嘅老師傅病咗生計成問題，所以我幫佢揸一日車幫補下佢，點知就比我遇到你，你嘅車費全數比晒老師傳㗎啦，佢收到好開心仲話要下次親自多謝你呀。 “
下集待續！