Chapter Text
在這個普通的夜晚，陳卓賢從神經外科來到了急症室，就像平時一樣，打算載柳應廷回家。他今天的值班時間已經完結，已換回便服的他到急症室尋找着柳應廷的身影。
今天的急症室好像比平時都要忙碌，但人手好像比平時還要少。
陳卓賢很快便看到柳應廷還身穿着他的醫生袍，正在病房內給一位昏迷了的病人做檢查，陳卓賢見狀便到急症室的等候坐位上靜靜的等待他，以免打擾到他工作。
他眼前閃過了一個人影，那個令自己不喜歡到這裏的急症室的唯一原因。
那人走到了柳應廷所在的病房裏，協助着他為那病人檢查着。
陳卓賢不解的想着「個patient暈咗啫，洗唔洗咁多人去幫佢檢查？今日唔係好多case㗎咩？點解阿江醫生唔去睇其他case？」
對，那個江醫生就是陳卓賢不喜歡這急症室的原因。
江𤒹生和陳卓賢以前同期一起在鏡城醫院裏做實習醫生，他們當時還要是合作夥伴，為同一組裏的組員。
當時的陳卓賢知道自己經過實習後應該也會在鏡城醫院裏做醫生，所以他也禮貌的對待所有人，以免得罪任何人，為自己的將來舖一下路。但相反，作為自己夥伴的江𤒹生完全不怕得罪別人，初來乍到便經常向上司頂嘴，雖然全都是很少事，但陳卓賢認為作為一個實習醫生，最起碼也要尊重一下上司吧。
最讓陳卓賢受不了的是他的衝動個性，他做事永遠都不顧後果，只解決迫近眉睫的問題，從不考慮後果和後續，他的這個性格導致他們那組經常闖禍，而陳卓賢經常都要幫他善後。
令陳卓賢這麼討厭他，那是因為江𤒹生即使對上司無禮，經常闖禍，但他還是以比陳卓賢更高的分數順利畢業。那時陳卓賢真的很生氣，為甚麼他這種人都能拿到高分畢業？而自己這麼遁規蹈矩就只拿到這麼低分？
柳應廷從病房走出來，看到陳卓賢正坐着等他，柳應廷向他走去，並説道「你今晚唔好等我喇，我仲未收得工啊，你自己返去先啦。」陳卓賢表示沒關係「唔緊要啦，而家唔係好夜，我等埋你先走啦。」柳應廷也被説服了。
此時，那昏迷了的病人的男朋友也趕到來醫院，向護士站的李駿傑焦急詢問着他女朋友的情況「我女朋友因為暈咗俾人送咗入嚟急症室，佢而家有冇事啊？」
「先生，你冷靜嚟先，你女朋友係張凱琪小姐吖嘛？我哋醫生而家已經同佢做緊檢查，佢好快會醒返冇事，你去側邊坐低坐下先。」李駿傑耐性的説着。
張凱琪在不久以後己醒來，他的男朋友一知道便飛奔到她所在的病房裏。江𤒹生滿頭黑線，對他説着「呢位先生，麻煩你出返去先，而家張小姐醒咗，我要再同佢做詳細啲嘅檢查，陣間會通知你。」
待他男朋友離去後，江𤒹生拿了張椅子坐在張凱琪的床旁邊，向她問道「小姐，我係鏡城醫院急症室嘅顧問醫生，我姓江。想問吓你有冇成日覺得好攰，有啲頭暈？」
「有，成日做嘢嘅時候都冇精神，瞓醒都仲feel到攰。」
江𤒹生再問道「你可唔可以開口，伸條脷俾我睇一睇？」張凱琪照做了。
江𤒹生認真的問道「小姐，你之前有冇感染過性傳染病？」在旁的柳應廷被江𤒹生這條問題嚇倒了。
張凱琪不滿的説道「醫生啊，我暈咗啫，關性病乜嘢事？」
江𤒹生解釋道「呢個只係我嘅推測，因為你嘅症狀同性傳染病吻合。頭痛同攰雖然感染其他病都會有嘅病徵，但佢係性傳染病最主要嘅病徵，同埋你口腔入面有紅疹，好有可能係性傳染病嘅麻疹。穩陣起見，我建議你而家喺度做blood test。」
張凱琪不懂得反應，她只懂得點頭。她苦苦的向江𤒹生哀求「可唔可以唔好俾我男朋友知？」
江𤒹生無奈的嘆了口氣「呢啲事你點都要同你男朋友傾，佢有權要知道。」張凱琪合上眼睛，若有所思。
柳應廷到護士站，跟李駿傑説道「幫5號房 patient 安排 STI test。」
坐在一旁的陳卓賢聞言後，不禁皺眉，心想着「江𤒹生會唔會小題大做咗啲，個patient暈咗，做乜鬼STI test?」
張凱琪完成了性傳染病的測試，過了等候時間後，化驗部也傳來了結果。而結果是…陽性，張凱琪的確感染了性傳染病。
她完全呆坐在病房裏的椅子，不敢相信這是真的。江𤒹生向她説道「勸你早啲同你男朋友講，唔係之後只會更難開口。」把治療用的藥給了她後，江𤒹生拍了拍她的肩，留下了她自己一個在病房裏。
柳應廷終於下班了。換回了一身便服的他，跟陳卓賢一起到停車場坐上了陳卓賢的車。
柳應廷跟陳卓賢也是一起實習的，是陳卓賢在這間醫院的第一個朋友。
當時，陳卓賢自己坐在飯堂的桌子吃午飯，因為性格慢熱，所以他平時很少跟別人講話，自然的也沒有朋友跟他一起食飯。正當他邊吃着飯，邊想着剛才的手術，眼前出現了一個頭髮中分，帶着黑框眼鏡的男子，捧着一碟飯，向陳桌賢問道「我可唔可以坐呢度？」陳卓賢下意識的點了點頭，並順理成章的交了這裏的第一個朋友。
陳卓賢應該要感謝自己當時點了頭，現在才能跟柳應廷成為好朋友，而自己也會在他們二人都在同一時段下班時順路載他一起回家。
這天，柳應廷整段車程都在説着剛才那位女病人的病情「江𤒹生真係好勁，咁細心留意到佢口腔有紅疹，再估到係性病。」陳卓賢看着眼前的路，面無表情的説着「咁做慣留意到唔係好出奇啫。」
柳應廷扭過頭，看着陳卓賢的説「我知你唔妥江𤒹生，但我估你啱啱都見到，有邊個會估到佢有性病先得別㗎？」陳卓賢繼續盯着眼前的路「的確係，我啱啱都以為個patient係過勞而暈低，真係冇諗過係性病嘅。」
柳應廷得戚的笑了「咪係囉，連陳大醫生都冇諗過，江𤒹生真係幾勁。同埋佢而家變咗好多㗎喇，份人諗多咗好多嘢，會顧大局，仲識咗照顧人添，我都叫做同佢做得最耐嘢嗰個，我真係睇到佢嘅轉變，唔好成日針對人哋啦。」
陳卓賢趁着紅燈，跟柳應廷説着「第一，我唔係陳大醫生，我只係neurone嘅顧問醫生，同埋我做開neurone，呢啲case我諗唔到好正常啫。阿江醫生做咗咁多年A&E，佢咁多經驗，諗到好正常。」他繼續道「第二，做乜係咁幫佢講好説話啫？佢而家變咗幾多關我咩事啫，我淨係會記得佢以前因為頂撞上頭，搞到我個grade勁低。我冇針對佢，只係議事論事。」
柳應廷無奈的嘆了口氣「算，同你講都係嘥氣，我都係慳返啲口水好過。Bye dude，聽日見。」看着柳應廷走遠了的背影，陳卓賢便開車回家。
佢變咗好多？關我咩事啫？
係囉，關我咩事啫？
Tbc.