Chapter Text
呂總收服小精霆 Chp.1
ABO 登神 巨豬 Ianson
回到坐位，打開放在流扇型玻璃枱桌子上的禮物盒子，他，手中執起一枝高貴的墨水筆，不得不令盧瀚霆再次將眼珠向上翻，一雙白眼，正好用來回應今早的會議。
是的，作為一名漂漂亮亮的Omega，從事室內設計事業的盧瀚霆，充滿上進心的他，還要躋身到著名的設計公司內工作，當然不乏眾多的客戶支持，還有受這個那個大總理、董事等等的追求。
「嘩吓～ 陳總呢次都幾大手筆喎！成枝筆都鑽石黎架？定水晶？撈呀，不如你就順下佢意，同佢食餐飯啦～ 當為左公司…」
Mirror Design 的設計總監是Tiger Yau，從在外國留學畢業後，師承歐洲有名的室內設計師，但這幾年間，為了照顧長期病患的父親，不得不回流香港，再闖一片設計天地。
「痴線架！個個約我都去一去，我咪好唔得閒？同埋呢啲咁假情假意嘅野，完全違背左藝術設計呢樣野囉！有錢大曬呀？我夠有喏！同埋個個陳總，光頭阿叔黎架喎！連髮線都搵唔到喎？想包我呀？你係佢頭喝頂搵到一條毛個陣，咪去囉！」
本著服務精神，盧瀚霆在對話框中，又再一次禮貌地拒絕了一名富豪Alpha。
——WhatsApp——
“多謝您呀陳總☺️ 枝筆好靚啊☺️ 多謝您邀請，不過最近都好忙☺️黎唔到唔好意思☺️”
撈：（死啦會唔會假得滯？）
從不稀罕愛情的他，偶爾也會在酒吧場所喝上一兩杯，獵食一夜，就當是為苦悶的工作添添趣味罷了。
「喂阿撈～ 個陳總掂啦！啱啱落左訂，簽左Contract喎！咁我地可以開始畫圖啦，一樓擺位圖你攪，Okay?」
高級設計師Stanley是盧瀚霆的上司，能人所不能的工作表現及獨特的設計眼光，是各大地產發展公司的不二之選，這次，就是為了陳總新一批的樓盤，為示範單位做設計。
可是，盧瀚霆並沒有在意聽Stanley 的話。
「mark你落小氣簿！最憎呢啲Alpha! flirt 我呀啦！夠膽flirt我？臭到死呀！死人榴連味！！！寫寫寫寫寫死你！哼！食屎啦！」
這本純白色的Chloe Notebook，72頁空白頁，快要被盧瀚霆寫滿滿所有令他氣憤的事。
「嘩…喂Stanley, 佢成千蚊買本野返黎，就係用黎寫呢啲無聊野呀？咁會唔會嘥咗啲呀？」
就在不遠處，老闆Tiger 一邊托著下巴緊皺眉頭，一邊跟Stanley 竊竊私語。
「佢搵到錢嘛由佢囉～ 單身寡仔一個人，又靚、又叻，後生仔咁揮霍下幾happy ? 似我咩！一個人湊住晴晴，搵幾多都要比曬個女啦。啊唔講啦，我夠鐘接返晴晴，走先，係咁！」
「我都走啦，一齊行啦廿四孝老豆～」
待單親爸爸Stanley 跟Tiger 放工以後，這晚上，留下了戴著眼鏡的盧瀚霆繼續埋頭苦幹，找資料，找靈感。
能讓他努力向上爬的原因，只有一個，他的自卑與不甘。常常認為世界很不公平，同等的工作能力，卻因為自己的性別而做了多年的設計助理，但盧瀚霆始終沒有放棄機會，因為他相信，終有一天，能創作一個作品令大家刮目相看。
深夜回到家，全屋燈光亮著，小哥基雞髀熱情飛撲向他，搖頭擺尾，又不斷舔舔盧瀚霆的臉蛋，歡迎著他。
「雞髀豬～～呀呀得啦得啦我返黎啦☺️ 喂陳卓賢～ 餵左雞髀未呀？陳卓賢～」
看來室友又因為趕出門而忘了關燈，也忘了那餓餓的小狗，盧瀚霆給雞髀弄點吃的，小狗今晚大概會與盧瀚霆同眠共枕，而那忙著Speed dating的陳卓賢，獨自睡吧！
「雞髀豬～～你嗲嗲點解成日去溝Alpha唔理你架～ 你記得同佢講呀，呢個世界只有1%嘅Alpha 係信得過架咋，其餘個99%，全部都淨係識用信息素咸濕人…成日話自己係啱啱好咸濕，痴撚線架！你都係呀，咪咁易信出面啲狗公添呀，知唔知？」
汪！
那到底盧瀚霆，會遇到那些不因好色而真心愛自己的狗公，不，是Alpha嗎？
你就想太多了，童話裡都是騙人的，這邊已有一名Player～
「eh ~ 唔好意思呀Mandy, 呂總今日full booking 唔會見你架啦，你走啦！」
態度囂張的193秘書，今天已是第N次把名媛Omega 拒諸於門外。
「咁麻煩你，幫我問下入面個個呂爵安總經理，知唔知我daddy 係邊個呀？你知我屋企譚氏家族，每年比幾多大Project 你地呀？」
Mandy 還自以為自己的家底，能令她攪定呂總，她太天真了。
作為地產發展界龍頭的呂氏，又怎會輕易讓任何一個Omega 入門呢？
還要是那愛玩弄Omega的呂總，認真？你便輸了。
「佢真係咁天真嬌？比下面子Uncle叫佢陪我去玩一兩次，佢就黎真。193，今日戰績如何啊？」
在總理房內趴在桌球桌上的呂總，輕輕鬆鬆發力，最後一顆黑色圓球，進袋了。
「報告呂總，今日3個，兩女一男，都係啲唔大唔細嘅集團二代。呂總，我可唔可以好奇問下，究竟Mandy有咩唔值得比機會？」
只在了呂總身邊半年的時間，193一直很好奇，為什麼呂總可以把所有Omega 弄到手後，又突然推開。
「兩個字！「悶」呀！啲Omega個個都係咁，咁鬼順攤，又吓吓戴曬面具咁黎陪我，呢啲咁阿諛奉承嘅人，對多兩次，你唔悶，我都悶啦吓話～仲話想同我一齊？車！躝開啦～」
在呂總面前，193又何嘗不是一個阿諛奉承的人，乖巧站在一旁，拼命在點點頭，但心裏卻想着：希望呂總上得山多終遇虎🤓有人挑戰下佢底線，咁就精彩了～