Chapter Text
一眾男生完成恆常泳隊訓練回到更衣室更衣，何大秋拿著手機突然興奮地喊：「各位，下個星期六唔該留俾我！我約到附近幾間學校搞gathering，其中一間啲女好索㗎！」
「正喎！我要去！」余浪沖心裡盤算著要帶多少面膜到現場向一眾女生推銷。
「預埋我！」簡雲長舉高手說。
「我都要去！」程子帆一臉雀躍地說。
「隊長，你呢？」何大秋望向李馬榮，只見李馬榮正從儲物櫃拿出衣服準備沖身。
李馬榮關上儲物櫃，冷淡地說：「唔去。」他對這些聯誼活動完全沒有興趣，更何況他已經心有所屬。
何大秋靜悄悄地走到李馬榮身邊，小聲地說：「你睇吓阿帆，佢明明暗戀Miss Chu都咁熱衷今次嘅聯誼！隊長，你係時候唔好剩係掛住操水，去見吓呢個花花世界㗎啦！」
「癡線！唔去！」李馬榮沒好氣地說。
「唔得！我哋個個都要去！機會難得呀！最多咁，你肯去嘅，我加操得唔得先？」何大秋搭著李馬榮的肩膀，一臉認真地說。
李馬榮聽見一向惰性極重的何大秋竟自願加操，不禁心動了一下。「真係？」
「係！我何大秋講嘅嘢幾時試過唔算數先？嗱！一言為定㗎啦！」何大秋眼見李馬榮上鈎自然高興極了，加操這些話往後再說吧。
李馬榮認識何大秋幾年，從來沒有一刻覺得有什麼事情要感激他，但這一次聯誼活動之後，李馬榮第一次有衝動覺得要好好答謝何大秋。