Chapter Text
這是盧瀚霆第一次給別人當伴郎。
看著站在全身鏡前正低頭擺弄袖口扣的呂爵安，那因專注而顯得鋒利的側臉讓喉頭沒由來的一緊，他趕緊把視線移向窗外，邊伸手把襯衫最上面的鈕扣鬆開試圖趕走浮上心頭的鬱悶。
「阿撈，你過泥幫下我得唔得，嘖，都唔知乜鈕泥扣極都扣唔到。」
「幾歲人啊，仲咁遴迍。」
「好意思話我？你睇你咪一樣唔識扣鈕。」
「喂，咪搞啦。」
撥開伸過來的雙手，盧瀚霆白了眼前人一眼便快步走回剛才落座的位置，拿過婚拍小冊子擋著滾盪的臉頰，脖子那片皮膚彷彿仍殘留著那人指尖拂過的體溫，酥酥麻麻的。
「喂啊，幫人扣一隻唔扣一隻想點。」
「我又唔係你工人，自己扣！」
盯著小冊子上的男模特，他在想剛才呂爵安近在咫尺的臉到底是甚麼時候開始讓他心動。
***
「同學，呔係咁樣比你掛係條頸到既咩？」
「咁學校要人戴呔我又唔識打，唔咁樣掛住仲可以點姐，阿～ＳＩＲ～」
「呂爵安同學，你知唔知咁樣好影響學校形象，你明知我日日棟係到你都仲係咁樣返泥。依家我唔理你搵阿媽又好女朋友又好，唔打返好唔準入學校。」
盧瀚霆合上課本望向那個靠近課室門口的座位，禮貎地拒絕鄰座同學的午餐邀約，拿過飯盒便走到天台，打開門果不其然看到整個早上都沒有出現的人，正午的陽光打落他們身上，眯上眼睛仍然看到那人向他笑得一臉燦爛。
「正啊，餓死我喇，今日食咩啊？」
「縮手啦，你今次又衰咩啊？」
「條光頭見我無打呔唔比入啊，最衰阿媽無端端洗人條呔啦。」
「嘖，你條呔長期有浸口水味既，難為伯母就真。喂啊，攞泥啦！掛住食。」
「咩啊？」
「呔啊。」
「哦，唔該阿媽。」
「ＵＰ乜野啊。」
「光頭叫我搵老母又好條女又好，打返好先比入泥。咁阿媽唔岩聽。。。定你想我叫你ＢＢ？」
「Ｂ你老豆，嗱嗱淋食完野返課室啦。」
TBC.