Chapter Text
-
「ありがとうございます！」（非常感謝！）
又是這句耳熟能詳的道謝，又是那道軟萌可愛的嗓音。盧瀚霆仰首望向時鐘，發現時針已經指向二，原來他在不知不覺中睡著了。
「呂爵安～」盧瀚霆揉了揉眼睛，輕聲叫喚他的戀人，聲音因為剛睡醒而帶有濃濃的鼻音，軟軟糯糯的。
聽到寶貝撒嬌般的呼喚，呂爵安停下正在輸入留言的動作，略帶不捨的望了一眼還在讀super chat的人，最後還是決定先關心被冷落一整晚的愛人。
「BB你瞓醒啦～？依加2點咋，你入房繼續瞓啦～」呂爵安把盧瀚霆從沙發上公主抱了起來，剛把人兒放到床上就被環住腰肢，「我要你陪我～」盧瀚霆把臉埋在呂爵安的腰間磨蹭，不願把人放開。
「做咩扭計呀～我未眼瞓喎，晏啲再陪你瞓啦好冇？」呂爵安輕撫盧瀚霆毛茸茸的頭髮，但盧瀚霆不買帳，「⋯你仲未睇完直播？」聽到悶悶的語調，再笨的人都知道有人吃醋了，更何況是腦袋值25分的呂爵安。
「唔好呷醋啦～咁你知我平時冇時間追直播呀嘛～」呂爵安最近迷上了一個日本Vtuber，每天下班回家就是點開直播精華看個不停，現在連難得的週末假期也因追看直播而被迫在家渡過。
「反正你都聽唔明⋯你都係之後睇人上字幕咋嘛～你又唔陪我出街，依加又唔陪我瞓⋯」盧瀚霆柔若無骨的白皙小手輕輕滑過呂爵安的褲襠，「我哋好耐冇做啦～」
兩人確立關係後就立刻租屋同居，起初確是夜夜笙歌、纏綿悱惻，但後來過了熱戀期，呂爵安又有新愛好，讓兩人的親密次數直線下降，某人慾求不滿了。
軟玉在懷，非正人君子的呂爵安自然按捺不住，壓倒盧瀚霆就是一頓猛親，水聲嘖嘖作響。呂爵安撩起盧瀚霆的上衣，揉按一週不見的櫻紅茱萸，盧瀚霆環抱身上之人，小腳丫還故意踩着對方的碩大縱火。
「Edan Lui さん，おめでとう，そこにいる？」
（Edan Lui 先生，恭喜你，請問你在嗎？）
「Wohoo！我抽中咗呀！」聽到Vtuber叫自己的帳戶名，呂爵安就知道心存希望觀看直播果然是對的，這下子抽到親筆簽名禮物簡直賺到了，「BB我聽日先同你做呀！夜啦早啲瞓啦！」呂爵安親了盧瀚霆一口就衝回電腦前，無視戀人的叫喊。
「喂呀呂爵安！！！」盧瀚霆仰躺在床上，聽着戀人在客廳雀躍歡呼，身體涼了、心更涼了，盧瀚霆默默地拿起棉被包裹自己。
——死人呂爵安！！！我係唔會停止憎恨你㗎！！！
-
隔天。咪華社的會議室內。
盧瀚霆持續散發低氣壓，眾人為免殃及池魚都不敢發聲，室內只剩冷氣運轉的聲音，以及某個沒眼力的單細胞生物的大嗓門。
「嘩搞咩啊？！又話開會嘅？！做咩一個二個唔出聲啊？！阿撈咩事啊？！你塊面黑過我喎！邊個激嬲你咁衰啊？！」江𤒹生剛進門就連珠發炮，直接無視邱士縉想要制止他的浮誇肢體語言，還有盧瀚霆想殺人的眼神死光。
「唔關你事呀！」盧瀚霆大喊。
「但你個樣似成個星期冇扑嘢谷住咁喎！」江𤒹生的話直接刺中盧瀚霆的要害，現在就算盧瀚霆不承認，大家都知道什麼事了。
「大佬你出少句聲啦⋯」邱士縉咬牙切齒、擠眉弄眼地警告江𤒹生；李駿傑則忙着安撫暴跳如雷的盧瀚霆，「係呢花姐，又話開會嘅？」外加轉移話題。
「個客未到開乜會啫？！」經理人花姐煩躁地滑着手機，大客戶遲遲未出現，員工又因私人情緒在吵鬧，花姐的耐性也即將來到臨界點。
就在此時，一直苦等的客戶終於出現了。
「唔好意思呀咁多位，上個會開耐咗所以遲咗少少。」來人是一高一胖的組合，開口說話的胖男生面帶歉意地向眾人鞠躬，而另一位身型高大的人微微彎腰後就自行入座。
「既然已經遲咗，咁我哋就快啲開始啦。」經理人花姐悄悄反了個白眼，然後開始主持會議，向眾人介紹接下來的合作單位，「呢位係郭嘉駿、郭生，手遊開發商嘅CEO，另一位係佢助理梁業、梁生，今次親自嚟傾下嚟緊嘅合作。」
「大家好，我哋公司睇中咗腐女呢個market，打算推出一隻18禁嘅BL手遊，希望可以同咪華社嘅咁多位合作，幫呢隻game配音。」梁業邊解說邊播放投影片，因為是18禁遊戲，因此許多內容都是兒童不宜的，遊戲畫面好比成人影片般香艷刺激。
「玩家會用受方嘅視覺進行冒險，會同唔同嘅攻方角色發展一連串愛情故事和經歷成人情節。」梁業繪形繪聲地介紹著，絲毫不覺得尷尬或害羞，反倒聽得其他人面紅耳赤。
「而咁重要嘅受方我哋希望可以由Anson Lo負責配音。」梁業的指名喚醒一直雲遊太空、在心底咒罵呂爵安的盧瀚霆，「吓⋯？點解指定我嘅？」
「原來你就係Anson Lo！」聽到盧瀚霆的反問，郭嘉駿立即提起精神，「我哋當初討論配音員嘅時候好多人都推薦你㗎！我聽過你嘅作品，覺得你好適合配呢個角色呀！」郭嘉駿表面上客氣地讚揚盧瀚霆，實際上內心早已波濤洶湧。
“痴線㗎！！！撈豬真人好靚仔呀！！！我竟然有機會同佢面對面講嘢！！！痴線我好似聞到佢陣香水味！！！點解真人把聲仲好聽咗㗎！！！我一定要撈豬配到呢個角色，我要聽佢呻吟呀！！！”
是的，郭嘉駿身為盧瀚霆的骨灰級粉絲，自然不會放過公器私用的機會，這個18禁BL手遊的案子是他提的，找咪華社合作也是他提的，目的不言而喻。
「呃⋯多謝⋯但係我⋯」盧瀚霆面有難色，打算偷偷向旁人求救，結果訊號尚未成功傳遞就被郭嘉駿攔截下來，「唔洗但係啦，我哋公司好有誠意㗎，一定唔會待薄你哋！我哋打算開500萬同你哋合作！」
500萬？！
遊戲方開出的價格無疑是天掉下來的餡餅，所有在場的配音員及花姐都瞬間雙眼發光，根本想不到沒有拒絕的理由。
就連盧瀚霆也快一口答應，但一想到那份18禁的台詞劇本就猶豫了，要他在錄音室裏放浪呻吟，聲音還會在遊戲裏永久長存，再多獎金也挽回不了尷尬啊⋯⋯
「我覺得你哋開嘅條件好吸引，但其實都唔一定要我配受方㗎啫，我覺得Jeremy都ok㗎！」盧瀚霆嘗試把李駿傑拉入郭嘉駿的視野，但絲毫起不了作用。
「唔係你就無意義㗎啦！反正合約寫到明一定要你配受方先會成立，你唔錄其他人都冇得撈㗎啦。我俾三日時間你諗下，下次開會希望有好消息。」郭嘉駿把手伸向盧瀚霆，盧瀚霆呆呆地回握後看着花姐把郭嘉駿和梁業送離開，會議莫名奇妙地結束了。
門外的郭嘉駿因握到盧瀚霆滑嫩的手而興奮不已；
門裏的盧瀚霆則因眾人的軟磨硬泡而心煩意亂。
「撈撈你仲諗咩啊？咁荀唔係唔接啊？！」李駿傑搖晃盧瀚霆的手臂撒嬌，盧瀚霆抽開胳膊捏住自己的衣領：「18禁喎！會唔會有咩不軌企圖㗎？！」
「錄音可以有幾不軌呀，你咪嗌兩聲滿足下佢囉～」邱士縉討好般為盧瀚霆按摩肩頸，「500萬喎！你錄到啞都未必賺到啦，你唔接我哋都冇得錄㗎啦！」
「唔係你哋配受梗係咁講啦！」盧瀚霆抿着嘴表示不悅，「喂呀！咁同要我下海有乜分別啫？！」18禁的劇本裏，受君的台詞幾乎都係呻吟的語助詞，不但考驗配音員的功力，而且恥度十足，感覺與下海無異。
「點同啫～依加錄呢啲好平常㗎咋，你上次咪又係咁踩界～你唔中意到時化名咪得囉！唔係佢指名你我都想錄呀！」江𤒹生語音剛落，大家都猛點頭附和，「阿撈呀～我哋食鮑參翅肚定樹皮就睇你啦～」
盧瀚霆環顧三人稍作沉思，豐厚的利潤確實讓人心動，再加上大家的合作機會都握在他手中，壓力更讓他難以拒絕，但羞恥的錄音實在是一道難以跨越的檻。
「佢話俾三日我㗎嘛⋯我諗下先啦⋯」
-
To Be Continued