Chapter Text
「啊！！！！點算好啊～做乜我又會變番做女人架？！唔通因為我頭先同你錫完？你有食過朱古力咩？唉點解會得我有事但你冇事既？」
「真係豬兜。如果就咁因為食完朱古力之後就會變性，咁全世界人都係啦～你估小丑魚咩⋯⋯等我轉頭同花姨講原來係兩個鐘先」
-
停！先來背景介紹一下順便帶大家了解來龍去脈。
眼前抱頭苦惱中的女生叫江𤒹珊，說得正確點⋯⋯是男生。『江𤒹珊』只是他為女人模式的自己所取的名字，本名是江𤒹生。
而旁邊吐嘈他的白皙男生是他從小到大的好知己兼男朋友——陳卓賢。
兩人的父母親都是多年好友，好到兩位媽媽都笑說將來有孩子就要定娃娃親，結果媽媽們生的都是男孩子。幸好態度開明的四人對於將來兒子們要是互定終身也是完全接受。
雖說江𤒹生比陳卓賢大半年，而平時大部分時間都在當照顧人的那個；但陳卓賢於運動項目中優秀活躍所以身高體格都比江𤒹生來得強，看起來更像哥哥。別看這精壯的大個頭，其實他的內心世界細膩得很，大概就只有江𤒹生能夠讀得懂他的心思。
盡得父母遺傳的優良血統，中學到大學幾乎都是校草級別的兩人經常走在一起，完全是一道美麗的風景線。歷年來追求者無數，不論男女都會為他們而心動。
然而不知道從何時開始，陳卓賢眼見對方那來者不拒的親善態度，開始對江𤒹生身邊出現的狂蜂浪蝶感到討厭，“是出於嫉妒吧？”陳卓賢如此想著。於是便開始想以競爭對手的心態超越他，然而一個又一個追求者甚至交往對象，也無法平息心中的不忿，直到有一晚⋯⋯
就在大半個月前。
「喂？陳卓賢」
「請問你邊位？」
「江𤒹生啊！」
「你把聲咩事？」
「我⋯⋯遇到啲麻煩野，其實都唔算啲架喇，你依家可唔可以過嚟，我係宿舍」
「哦，俾5分鐘我」
果然5分鐘後，陳卓賢出現在江𤒹生的房間，卻看見一個身材姣好的女生正愁眉苦臉坐在床上。正當想詢問什麼的時候，那女生已率先開口道「陳仔，我變咗女人」
要不是那熟悉的眼下淚痣，還有彼此之間的默契，陳卓賢大概會以為自己被惡整了。
「你⋯⋯到底發生左啲乜嘢事」
「我唔知啊～我頭先同班friend食完飯去酒吧玩左一陣，然後番到黎沖完涼瞓左陣起身就變成咁！明明我乜都冇掂，冇可能俾人落藥架喎！」
「如果求其落藥就可以變性，咁啲人做乜仲要做手術」
「又好似係啊可？咁話唔定隻藥好貴呢！」
「咁你覺得有咩值得人對你用天價藥就係想你變性？」
「我靚仔囉！」江𤒹生自信滿滿地說。
「⋯⋯」陳卓賢無言了。
「咁即係點樣啊陳仔～你幫我諗吓辦法啦～」江𤒹生真的搞不懂，雙手搖著陳卓賢手臂。
他大概遺忘了女性化的自己胸前十級偉大，隨便輕搖都有澎湃的視覺效果。
「你依家著多件衫先」快步走到衣櫃前從裏頭抽出一件外套丟給江𤒹生。剛才站在床邊以俯瞰的視角飽覽美色的確不錯，但對方好歹都是自己的好知己，還是不能以平時的玩家姿態去看待。
冷靜下來的陳卓賢搬來書桌前的椅子坐在床架旁邊，嘗試慢慢幫江𤒹生拆解這詭異事件。
「你頭先話你尋晚喺酒吧乜都冇掂過，即係冇食嘢冇飲嘢啦，咁有冇接觸過啲咩人係覺得唔舒服或者覺得奇怪？」
「冇喎，因為尋晚嗰班人好多都唔熟，而熟嘅你都識，就係阿柳同佢上次帶黎party嗰個friend囉」
「你留左幾耐啊？」既然朋友是可信任的人，那麼以直接當面辦這事的方式便可以排除了。
「得半個鐘咋，然後我哋三個係一齊番黎架～」
「中間咁仲有冇去過咩地方？有冇咩事發生？」
「冇事發生，淨係去左便利店買嘢食，咪枱頭嗰堆囉」江𤒹生指著陳卓賢身後的書桌。
「薯片、可樂、Oreo⋯⋯」
「啊仲有我袋入面嗰筒青提朱古力」
「咁都冇唔正常嘅野啊，真係好奇怪。既然係神神化化既野，聽日同你去搵下花姨。」
「吓？認真咩？有冇咁大件事要請出花姨啊」一聽到花姨，江𤒹生便嚇得縮起頸。
「你咁仲唔夠大件事？好彩jeremy今晚唔番咋」
「喂咁不如你今晚留喺度啦，我驚啊」
「屌，男人老狗驚乜啫⋯⋯」撇嘴一笑然後把後半那句『驚我食左你好過啦』默默呑下去。
陳卓賢口中的花姨，是媽媽的朋友，正職不詳，只知道是神通廣大的神婆，上至占星下至超渡都無一不曉。花姨為兩家人算命至今仍然準確度達至101%，所以如今江𤒹生發生了此等奇幻事情，陳卓賢腦海中便第一時間想到了她。
由於現在的江𤒹生是女兒身，而陳卓賢也不想乘人之危所以選擇睡在jeremy的床上。幸好jeremy本身也是十分有條理且愛整潔乾淨，要是像自己隔壁房間那兩個人一樣骯髒不堪，他可忍受不了，更不會同意留宿。
「陳卓賢你要唔要沖涼先？」
「唔使，沖左。」
「咁⋯⋯」