Actions

Work Header

[翻譯][臺語] 前男友 / [Hoan-e̍k] [Tâi-gí] Chêng-lâm-iú

Work Text:

前男友

亞譚有時陣感覺,伊定定拄好的時陣出現佇拄好的所在,嘛會當講是佇拄好的時陣出現佇無拄好的所在——毋知是緣份抑是注定,往往拄著離經的境地。這一種,伊實在準。

昨昏李奧一个真重要的檔案轉去厝,今仔日袂記咧來。亞譚拄好攏附近向一个證人問一寡問題,就順紲替伊去怹兜共檔案提來辦公室,嘛是做議量

亞譚對灶跤的桌仔頂提了文件仔,用手共伊咧。佳哉啥物就提著矣。伊一个人佇李奧的厝內底,毋知按怎感覺真反常。伊幾禮拜是來,猶毋過李奧無佇就感覺無啥四序

亞譚開門離開的當時,一个少年男子佇樓梯間做伙

伊是生大欉漢草真好的白人。伊有色深的短金髮,差不多三長的喙鬚有真有神的藍色目睭。對大部份人來講應該是標致少對亞譚來講是按呢凡勢對李奧嘛是,伊隨就會知

這个少年男子手提一紙箱仔。這亞譚起頭當做伊是送貨的。

少年男子共伊斟酌觀察一睏仔目眉予伊懸。「你敢是伊新交的?」伊開問,敢若淡薄仔藐視,閣欲共紙箱仔捒予亞譚。

?」亞譚予問一下去。

對方伊手內底的箱仔攑一下下頦。「遮內底閣有一寡仔伊的物件。我無按算會有人佇,干焦想欲共這留佇遮。」

亞譚定定咧共伊,才準備好欲一寡仔無好聽的話,就看伊嘆一口氣,共箱仔塗跤。「我是馬區士。」伊講甲誠理所當然,敢若亞譚應該聽著伊的名就愛知影「啊,你就是彼个馬區士。」這个「馬區士」對伊伸手。

「亞譚。」伊嘛自我介紹,佮馬區士頓手。伊猶是惘惘惘。

「我完全毋知影李奧已經有新的人矣。」「馬區士」入厝內底,看起來無啥歡喜。

干焦一霎仔久亞譚就了解,馬區士這是共伊當作李奧的男朋友矣。真正是男朋友,毋是查埔朋友。莫非……莫非馬區士是李奧的前男友?

「伊無。自我知影的是按呢。」亞譚共伊糾正。另外一方面……伊拄才敢是知影了啥物大條的代誌?伊進前攏毋知李奧佮意查埔,當然更加毋這个「馬區士」。伊這馬頭殼內有規千萬个問題。伊想欲知影,李奧佮馬區士鬥陣偌久?是按怎無欲繼續鬥陣矣?是啥物時陣分開的?伊嘛好奇按怎熟似的,馬區士敢是李奧第一个佮唯一一个男朋友?李奧敢是仝性戀?雙性戀?泛性戀?這敢代表……怹之間有一寡仔機會?亞譚覕一下喙閣繼續思考遐爾問題。

亞譚決定講閣較清楚咧,莫予人佇李奧的關係:「我是伊的同事爾,佇偵查組的。」按呢爾爾,伊家己加這句無講出來。伊想欲知影,李奧敢有共馬區士講過伊的代誌?毋過馬區士拄才對伊的名號嘛無啥物特別的反應。

,是按呢喔。失禮,是我毋著。」「馬區士」向伊謝罪,敢若馬上變甲較樂暢矣。

「我敢會使共這囥佇走道?」伊連鞭問,準備欲共紙箱仔提起來。亞譚有一寡仔躊躇,這是做偵查警探的職業病,紙箱仔內底可能有會爆炸的物件。嘛可能無。伊頕頭對邊仔予伊過,家己嘛隨入去,以防萬一。

總算,伊共李奧的門鎖細膩鎖予。綴「馬區士」行落樓梯的過程,甲有寡礙虐。亞譚心內急急想欲離開。就差一爾。

「歹勢,閣講一擺你叫啥?」馬區士問伊,漫不經心,根本看攏無共伊看。「亞譚.史屈。」亞譚真有誠意咧共伊應。馬區士這馬敢閣愛看伊的工作證?

馬區士雄雄頭攑起來,手直覺伸出去掠牢亞譚的手,共伊越轉身來面對伊。伊的跤步定去,驚疑萬分咧共亞譚睨。

亞譚共伊睨倒轉去。佇彼个瞬間,伊活欲施展防身術,佳哉有即時共彼个衝動壓落去。伊無想欲共李奧解釋是按怎伊會佇樓梯共伊前男友來

「彼个亞譚?」馬區士加重語氣。啊好,所以伊聽過伊的代誌?「舊時彼个?」

亞譚沓沓仔頕頭。馬區士總算共伊放予開,家己越轉身去。「真正袂當理解。」伊敢若毋是講予別人聽,是對伊家己佇講話。亞譚啥物話攏無講。伊毋知影伊這馬是按怎。

「我實在想袂了,你那會當就按呢出現佇遮。」伊對亞譚明講。亞譚共喙齒咬做伙。伊著愛冷靜咧。伊的眼神黯落去。馬區士到底知影偌濟?

「先傷伊的心,這幾閣放伊一个人,敢若死去仝款無聲無說。這馬雄雄越倒轉來,敢若攏無要緊仝款呢?」馬區士共伊睨。

亞譚感覺心跳加速。「你是佇講啥?第一,這佮你無相干,第二我無傷伊的心,你毋知影——」伊煞講袂落去。

「你是李奧頭一个愛著的人。伊為你付出遮濟,結果你就按呢,佇伊為你擔所有的風險了後離開。這毋是傷伊的心閣是按怎?」

亞譚這馬干焦會當思考馬區士的第一句話。

頭一个愛著的人。

傷伊的心。

伊進前攏毋知影。

「我……我完全毋知影這代誌。」伊輕聲講。馬區士又閣共伊睨。

「這幾冬伊規个生活、阮鬥陣的時陣阮規个生活,攏你咧。李奧過甲偌艱苦,你敢會當體會?伊咧對你的掛慮虧欠,閣一直怪伊家己。,伊甚至禮拜攏去看老爸,煩惱伊毋知啥物時陣會曲去,因為若按呢彼就是伊害的。伊無一工通會當毋去想這,你敢攏無了解?結果你就放伊一个人?」

亞譚的目箍內有珠淚佇踅。無毋著,佇頂幾禮拜伊已經知影李奧是按怎受著過去影響。伊家己其實嘛無啥物無仝。毋過伊已經傷濟時間譴責伊家己矣。佇這个過程當中伊了解著伊家己是受害者,了解著十五冬前的彼件代誌袂當怪伊。毋過,這當然猶是震動著伊矣。伊上毋願看著的,就是李奧因為伊,一直嘛過甲無好。

「伊攏共你講矣?」

馬區士向伊迫近,這馬是真正受氣矣,「伊當然會攏共我講。阮捌想欲鬥陣過日子,伊當然愛共我講!你家己講走就走,這馬你是欲來怪伊佇你無佇的時陣信任別人?你是有啥物問題矣?」

亞譚吞一下喙瀾。馬區士講了有理,亞譚無彼个立場來起性地。起初不滿李奧共怹共同的經歷講予伊前男友知,這馬顛倒變作一種怪異的感恩。佇過去十五冬,李奧毋是一个人,伊有馬區士佇伊身邊。亞譚猶是毋知影怹的關係是按怎結束的,猶毋過伊看會出來,馬區士真看重李奧,一直為伊操煩。

「是我毋著。」亞譚講,「多謝有你佇伊身軀邊。」

馬區士頕頭。「去對李奧講。毋是我。」

 

就佇亞譚提檔案篋仔欲上車的時陣,手機仔拄好響起來。伊攑起鼻,一下目睭。希望伊摻了情緒的聲嗽袂予人聽出來。「嘿,李奧。」伊接起電話。「你敢揣有?那會這爾久?」李奧共伊問,聽起來有一寡仔操心。

「有提著,免煩惱。佇樓梯遐予耽誤一睏仔。」亞譚講。伊心頭掠袂定敢欲共伊講伊拄著誰、會使講偌濟,畢竟伊毋知馬區士佮李奧會聯絡無。另外一方面,李奧早慢會知,上慢就是今伊予彼个紙箱仔絆著的時陣。

「你的前男友提你的物件來。」亞譚總算猶是共講出來,這馬緊張咧等待伊的反應。

聽筒內恬去一段無短的時間。亞譚開始怪伊家己,竟然遐爾凊彩就講出來,予家己落入這款境地。伊是偌白目才會按呢直接講矣?這毋是本人自願的行櫥,嘛歹講怹分手的時陣敢有拆破面,閣想著馬區士拄才共伊修理的話——

亞譚心肝頭當咧亂操操,予李奧的話拍斷:「我毋知會按呢,失禮。」

「咱敢會當講幾句話?」亞譚共伊問。

 

亞譚共檔案囥佇李奧的桌仔頂。李奧頭攑起來。

「真失禮,予恁兩人拄著。我若早知影馬區士欲去,我袂麻煩你走這。」

「李奧,這毋是啥物歹代誌。」亞譚輕聲共應。伊連鞭笑一下,淡薄仔心酸,「我想,講著袂爽,伊應該是較贏我。」

李奧惘惘仔共伊看。「伊知影我是啥人了後無啥歡喜。」

伊看起來有寡發愁,「伊講啥?」

亞譚肩胛涼勢仔一下。「伊怪我共你放捒。伊講你因為我過了無好,按呢。」

李奧準備欲應,猶毋過亞譚繼續講。「就是按呢……伊無講毋著。我毋該共你相牽連,閣共你放捒。對所有的代誌,我感覺誠歹勢。但是我嘛歡喜,有人捌佇你身軀邊、共你保護,閣會……替你罵人。」

李奧吞一下喙瀾,視線行低。亞譚注意著伊佇咧滾絞。「亞譚,你當時就按呢離開,我足傷心,嘛足受氣。毋過這一切代誌,我毋捌怪你。你嘛無法度按怎。」

亞譚講袂出話。伊踏一跤步對桌仔來,共李奧掜倚來,攬予伊牢牢。

「我知影你真艱苦。」伊輕聲細說。「我知,」李奧嘛細聲共應,「我嘛是。」

 

你是伊頭一个愛著的人。亞譚一直聽著這句話。伊感覺也是歡喜,也是悲傷。怹兩人本成會當按怎發展?怹到底錯過啥物?毋過伊嘛有淡薄仔希望。伊必須好好來考慮欲按怎處理這條拄知影的消息。


Chêng-lâm-iú

Adam ū-sî-chūn kám-kak, i tiāⁿ-tiāⁿ ē tī tú-hó ê sî-chūn chhut-hiān tī tú-hó ê só͘-chāi, mā ē-tàng kóng sī tī bô-tú-hó ê sî-chūn chhut-hiān tī bô-tú-hó ê só͘-chāi—m̄ chai sī iân-hūn ia̍h-sī chù-tiāⁿ, éng-éng hō͘ i tú-tio̍h chiâⁿ lī-keng ê kéng-tē. Chit pái sī tó chi̍t chéng, i si̍t-chāi lia̍h bē chún.

Cha-hng Leo kā chi̍t ê chin tiōng-iàu ê tóng-àn the̍h tńg--khì chhù, kin-á-ji̍t soah bē-kì-leh chah--lâi. Adam tú-hó lóng tio̍h-ài khì in tau hù-kīn hiòng chi̍t ê chèng-jîn mn̄g chi̍t-kóa būn-tê, tō sūn-sòa thè i khì in tau kā tóng-àn the̍h lâi pān-kong-sek, mā sī chò-gī-niū.

Adam ùi chàu-kha ê toh-á-téng the̍h liáu bûn-kiāⁿ giap-á, ēng chhiú kā i gia̍p leh. Ka-chài, bián siáⁿ-mih chhōe tō the̍h tio̍h ah. I chi̍t ê lâng tī Leo ê chhù lāi-té, m̄ chai án-chóaⁿ kám-kak chin hoán-siông. I téng kúi lé-pài sī chia̍p lâi, iáu-m̄-koh Leo bô tī chia tō kám-kak bô sáⁿ sù-sī.

Adam sak khui mn̂g beh lī-khui ê tong-sî, hiám beh kap chi̍t ê siàu-liân lâm-chú tī lâu-thui-keng lòng chò-hóe.

I sī seⁿ kah chiâⁿ tōa-châng, hàn-chháu chin hó ê pe̍h-lâng. I ū sek khah chhim ê té kim hoat, chha-put-to saⁿ kang tn̂g ê chhùi-chhiu, koh ū chin ū-sîn ê nâ-sek ba̍k-chiu. Tùi tāi-pō͘-hūn lâng lâi kóng èng-kai sī chiok piau-tì. Siōng chió tùi Adam lâi kóng sī án-ne, hoān-sè tùi Leo mā sī, i sûi tō ē chai ah.

Chit ê siàu-liân lâm-chú chhiú the̍h chi̍t kha chóa-siuⁿ-á. Che hō͘ Adam khí-thâu tòng-chòe i sī sàng-hòe--ê.

Siàu-liân lâm-chú kā i chim-chiok koan-chhat chi̍t-khùn-á, ba̍k-bâi gia̍h ho͘ koân-koân. "Lí kám-sī i sin kau--ê?" I khui-chhùi mn̄g, káⁿ-ná tām-po̍h-á biáu-sī, koh beh kā chóa-siuⁿ-á sak hō͘ Adam.

"Haⁿh?" Adam hō͘ mn̄g chi̍t-ē bóng--khì.

Tùi-hong tùi i chhiú lāi-té ê siuⁿ-á gia̍h chi̍t-ē ē-hâi. "Chia lāi-té koh ū chi̍t-kóa-á i ê mi̍h-kiāⁿ. Góa bô àn-sǹg ē ū lâng tī , kan-na siūⁿ-beh kā che lâu tī chia niā."

Adam tiāⁿ-tiāⁿ teh kā i gîn, chiah chún-pī hó beh ìn chi̍t-kóa-á bô gōa hó-thiaⁿ ê ōe, tō khòaⁿ i thàn chi̍t kháu khì, kā siuⁿ-á khǹg--tī thô͘-kha. "Góa sī Max." I kóng kah chiâⁿ lí-só͘-tong-jiân, káⁿ-ná Adam eng-kai thiaⁿ-tio̍h i ê miâ tō ài chai-iáⁿ "Ah, lí tō sī hit ê Max." Chit ê "Max" tùi i chhun-chhiú.

"Adam." I mā chū-ngó͘ kài-siāu, kap Max tùn-chhiú. I iáu-sī bóng-bóng-bóng.

"Góa oân-choân m̄ chai-iáⁿ Leo í-keng ū sin--ê lâng--ah." "Max" kiâⁿ-jip chhù lāi-té, khòaⁿ--khí-lâi bô sáⁿ hoaⁿ-hí.

Kan-na chi̍t-tiap-á-kú Adam tō liáu-kái, Max che sī kā i tòng-chòe Leo ê lâm-pêng-iú--ah. Chin-chiàⁿ sī lâm-pêng-iú, m̄ sī cha-po͘ pêng-iú. Bo̍k-hui...bo̍k-hui Max sī Leo ê chêng-lâm-iú?

"I bô. Chū góa chai-iáⁿ--ê sī án-ne." Adam bêng-kóng. Lēng-gōa chi̍t hong-bīn...I tú-chiah sī chai-iáⁿ liáu siáⁿ-mih tōa tiâu ê tāi-chì? I chìn-chêng lóng m̄ chai Leo kah-ì cha-po͘, tong-jiân kèng-ka m̄ bat chit ê "Max". I chit-má thâu-khak lāi ū kui-chheng-bān ê būn-tê. I siūⁿ-beh chai-iáⁿ, Leo kap Max tàu-tīn gōa-kú? Sī-án-chóaⁿ bô beh kè-sio̍k tàu-tīn--ah? Sī siáⁿ-mih sî-chūn hun-khui--ê? I mā hòⁿ-kî in án-chóaⁿ se̍k-sāi--ê, Max kám-sī Leo tē-it ê kap ûi-it chi̍t ê lâm-pêng-iú? Leo kám-sī kāng-sèng-loân? Siang-sèng-loân? Hoàn-sèng-loân? Che kám tāi-piáu...in chi-kan ū chi̍t-kóa-á ki-hōe? Adam bih chi̍t-ē chhùi, mài koh kè-sio̍k su-khó hiah-nī chē būn-tê.

Adam koat-tēng kóng koh khah chheng-chhó--leh, mài hō͘ lâng tī hiah ioh i chham Leo ê koan-hē. "Góa sī i ê tông-sū niā, tī cheng-chhat cho̍--ê." Án-ne niā-niā, i ka-tī ka chit kù ōe bô kóng chhut-lâi. I siūⁿ-beh chai-iáⁿ, Leo kám ū kā Max kóng-kòe i ê tāi-chì? M̄-koh Max tú-chiah tùi i ê miâ-hō mā bô siáⁿ-mih te̍k-pia̍t ê hoán-èng.

"Hioh, sī án-ne--o͘h. Sit-lé, sī góa m̄-tio̍h." "Max" hiòng i siā-chōe, káⁿ-ná má-siōng piàn kah khah lo̍k-thiòng--ah.

"Góa kám ē-sái kā che khǹg tī cháu-lông?" I liâm-mi mn̄g, chún-pī beh kā chóa-siuⁿ-á thê--khí-lâi. Adam ū chi̍t-kóa-á tiû-tû, che sī chò cheng-cha kéng-thàm ê chit-gia̍p-pēng, chóa-siuⁿ-á lāi-té khó-lêng ū ē po̍k-chà ê mi̍h-kiāⁿ. Mā khó-lêng bô. I tàm-thâu, khiā ùi piⁿ--á hō͘ i kòe. Ka-tī mā sûi tòe--ji̍p-khì, í-hông-bān-it.

Chóng sǹg, i kā Leo ê mn̂g sè-jī só ho͘ tiâu. Tòe "Max" kiâⁿ loh lâu-thui ê kòe-têng, tiām kah ū kóa gāi-gio̍h. Adam sim-lāi kip-kip siūⁿ-beh lī-khui. Tō chha chi̍t khám niā.

"Pháiⁿ-sè, koh kóng chi̍t pái lí kiò sáⁿ?" Max mn̄g i, bān-put-keng-sim, kin-pún khòaⁿ lóng bô kā i khòaⁿ. "Adam Schürk." Adam chin ū sêng-ì teh kā i ìn. Max chit-má kám koh ài khòaⁿ i ê kang-chok-chèng?

Max hiông-hiông thâu gia̍h--khí-lâi, chhiú ti̍t-kak chhun--chhut-khì lia̍h tiâu Adam ê chhiú, kā i oa̍t-tńg-sin lâi bīn-tùi i. I ê kha-pō͘ tiāⁿ--khì, kiaⁿ-gî-bān-hun leh kā Adam gîn.

Adam kā i gîn tò-tńg--khì. Tī hit ê sùn-kan, i oa̍h-beh si-tián hông-sin-su̍t, ka-chài ū chek-sî kā hit ê chhiong-tōng ah loeh. I bô siūⁿ-beh kā Leo kái-sek sī-án-chóaⁿ i ē tī lâu-thui-pêng kā i chêng-lâm-iú lâi bok.

"Hit-ê Adam?" Max ke-tāng gí-khì. Ah hó, só͘-í i bat thiaⁿ kòe i ê tāi-chì?

Adam ta̍uh-ta̍uh-á tàm-thâu. Max chóng sǹg kā i pàng ho͘ khui, ka-tī oa̍t-tńg-sin--khì. "Chin-chiàⁿ bē-tàng lí-kái." I káⁿ-ná m̄ sī kóng hō͘ pa̍t-lâng thiaⁿ, sī tùi i ka-tī tī kóng-ōe. Adam siáⁿ-mih ōe lóng bô kóng. I m̄ chai-iáⁿ I chit-má sī án-chóaⁿ.

"Góa si̍t-chāi siūⁿ-bē-liáu, lí ná ē-tàng tō án-ne chhut-hiān tī chia." I tùi Adam bêng-kóng. Adam kā chhùi-khí kā chò-hóe. I tio̍h-ài léng-chēng--leh. I ê gán-sîn ám--loeh. Max tàu-té chai-iáⁿ gōa-chē?

"Seng siong i ê sim, che kúi tang koh pàng i chi̍t ê lâng. Chit-má hiông-hiông oa̍t tò-tńg--lâi, káⁿ-ná lóng bô iàu-kín kāng-khoán nih?" Max kā i gîn.

Adam kám-kak sim-thiàu ka-sok. "Lí sī tī kóng siáⁿ? Tē-it, che kap lí bô-siong-kan, tē-jī góa bô siong i ê sim, lí m̄ chai-iáⁿ—" I soah kóng bē loeh.

"Lí sī Leo thâu-chi̍t-ê ài tio̍h ê lâng. I ūi lí hù-chhut chia chē, kiat-kó lí tō án-ne, tī i ūi lí taⁿ só͘-iú ê hong-hiám liáu-āu lī-khui. Che m̄ sī siong i ê sim koh sī án-chóaⁿ?"

Adam chit-ma kan-na ē-tàng su-khó Max ê tē-it-kù ōe.

Thâu-chi̍t-ê ài tio̍h ê lâng.

Siong i ê sim.

I chìn-chêng lóng m̄ chai-iáⁿ.

"Góa...góa oân-choân m̄ chai-iáⁿ chit chân tāi-chì." I khin-siaⁿ kóng. Max iū-koh kā i gîn.

"Che kúi tang i kui-ê seng-oa̍h, gún tàu-tīn ê sî-chūn gún kui-ê seng-oa̍h, lóng tòe lí teh se̍h. Leo kòe kah gōa kan-khó͘, lí kám ē-tàng thé-hōe? I phāiⁿ leh tùi lí ê kòa-lū kap khui-khiàm, koh it-ti̍t koài i ka-tī. Kàn, i sīm-chì ta̍k lé-pài lóng khì khòaⁿ lín lāu-pē, hoân-ló i m̄ chai siáⁿ-mih sî-chūn ē khiau--khì, in-ūi ná án-ne he tō sī i hāi--ê. I bô chi̍t kang ē-tàng m̄--khì siūⁿ che, lí kám lóng bô liáu-kái? Kiat-kó lí tō pàng i chi̍t ê lâng?"

Adam ê ba̍k-kho͘ lāi ū chu-lūi tī se̍h. Bô m̄-tio̍h, tī téng kúi lé-pài i í-keng chai-iáⁿ Leo sī án-chóaⁿ siū tio̍h kòe-khì éng-hióng. I ka-tī kî-si̍t mā bô-siáⁿ-mih bô kâng. M̄-koh i í-keng khai siuⁿ-chē sî-kan khián-chek i ka-tī--ah. Tī chit ê kòe-têng tang-tiong i liáu-kái--tio̍h i ka-tī sī siū-hāi-chiá, liáu-kái--tio̍h cha̍p-gō͘-tang chêng ê hit-kiāⁿ tāi-chì bē-tàng koài i. M̄-koh, che tong-jiân iáu-sī tín-tāng--tio̍h i--ah. I siōng m̄-goān khòaⁿ--tio̍h ê, tō sī Leo in-ūi i, it-ti̍t mā kòe kah bô hó.

"I lóng kā lí kóng--ah?"

Max hiòng i pek-kīn, chit-má sī chin-chiàⁿ siūⁿ-khì--ah, "I tong-jiân ē lóng kā góa kóng. Gún bat siūⁿ-beh tàu-tīn kòe ji̍t-chí--neh, i tong-jiân ē lóng kā góa kóng! Lí ka-tī kóng cháu tō cháu, chit-má lí sī beh lâi koài i tī lí bô tī ê sî-chūn sìn-jīm pa̍t-lâng--nih? Lí sī ū siáⁿ-mih būn-tê--ah?"

Adam thun chi̍t-ē chhùi-nōa. Max kóng liáu ū lí, Adam bô hit ê li̍p-tiûⁿ lâi khí-sèng-tē. Khí-chho͘ put-boán Leo kā in kiōng-tông ê keng-le̍k kóng hō͘ i chêng-lâm-iú chai, chit-má tian-tò piàn-chò chi̍t chióng koài-ī ê kám-un. Tī kòe-khì cha̍p-gō͘ tang, Leo m̄ sī chi̍t ê lâng, i ū Max tī i sin-piⁿ. Adam iáu m̄ chai-iáⁿ in ê koan-hē sī án-chóaⁿ kiat-sok--ê, iáu-m̄-koh i khòaⁿ ē chhut-lâi, Max chin khòaⁿ-tiōng Leo, it-ti̍t ūi i chhau-hoân.

"Sī góa m̄-tio̍h." Adam kóng. "To-siā ū lí tī i sin-khu-piⁿ."

Max tàm-thâu. "Khì tùi Leo kóng, m̄ sī góa."

 

Tō tī Adam the̍h tóng-àn kheh-á chiūⁿ-chhia ê sî-chūn, chhiú-ki-á tú-hó hióng--khí-lâi. I gia̍h khí phīⁿ, jôe chi̍t-ē ba̍k-chiu. Hi-bāng i chham liáu chêng-sū ê siaⁿ-sàu bē hō͘ lâng thiaⁿ--chhut-lâi. "Heh, Leo." I chiap khì tiān-ōe. "Lí kám chhōe ū? Ná ē chiah-nī kú?" Leo kā i mn̄g, thiaⁿ--khí-lâi ū chi̍t-kóa-á chhau-sim.

"Ū the̍h tio̍h, bián hoân-ló. Tī lâu-thui hia hō͘ chhiân chi̍t-khùn-á." Adam kóng. I sim-thâu lia̍h bē tiāⁿ kám beh kā i kóng i tú-tio̍h siáⁿ-lâng, ē-sái kóng gōa-chē, pit-kèng i m̄ chai Max kap Leo ē liân-lo̍k bô. Lēng-gōa chi̍t hong-bīn, Leo chá-bān ē chai, siōng bān tō sī kin àm i hō͘ hit ê chóa-siuⁿ-á poàn--tio̍h ê sî-chūn.

"Lí ê chêng-lâm-iú the̍h lí ê mi̍h-kiāⁿ--lâi." Adam chóng sǹg iáu-sī kā kóng--chhut-lâi, chit-má kín-tiuⁿ teh tán i ê hoán-èng.

Thiaⁿ-tâng lāi tiām--khì chi̍t toān bô té--ê sî-kan. Adam khai-sí koài i ka-tī, kèng-jiân hiah-nī chhìn-chhái tō kóng--chhut-lâi, hō͘ ka-tī lo̍k ji̍p chit khoán kéng-tē. I sī gōa pe̍h-ba̍k chiah ē án-ne ti̍t-chiap kóng--ah? Che m̄ sī pún-lâng chū-goān ê kiâⁿ-tû, mā pháiⁿ-kóng in hun-chhiú ê sî-chūn kám ū thiah-phòa-bīn, koh siūⁿ tio̍h Max tú-chiah kā i siu-lí ê ōe—

Adam sim-koaⁿ-thâu tng-teh loān-chhau-chhau, hō͘ Leo ê ōe phah-tn̄g: "Góa m̄ chai ē án-ne, sit-lé."

"Lán kám ē-tàng kóng kúi kù ōe?" Adam kā i mn̄g.

 

Adam kā tóng-àn khǹg tī Leo ê toh-á-téng. Leo thâu gia̍h--khí-lâi.

"Chin sit-lé, hō͘ lín nn̄g lâng tú-tio̍h. Góa ná chá chai-iáⁿ Max beh khì, góa bē mâ-hoân lí cháu chit chōa."

"Leo, che m̄ sī siáⁿ-mih pháiⁿ tāi-chì." Adam khin-siaⁿ kā ìn. I liâm-mi chhiò chi̍t-ē, tām-po̍h-á sim-sng, "Góa siūⁿ, kóng tio̍h bē-sóng, i èng-kai sī khah iâⁿ góa."

Leo bóng-bóng-ah kā i khòaⁿ. "I chai-iáⁿ góa sī siáⁿ-lâng liáu-āu bô sáⁿ hoaⁿ-hí."

I khòaⁿ--khí-lâi ū kóa hoat-chhiû, "I kóng sáⁿ?"

Adam keng-kah liâng-sè-ah kiu--chi̍t-ē. "I koài góa kā lí pàng-sak. I kóng lí in-ūi góa kòe liáu bô hó, án-ne."

Leo chún-pī beh ìn, iáu-m̄-koh Adam kè-sio̍k kóng. "Tō sī án-ne...I bô kóng m̄-tio̍h. Góa m̄ kai kā lí sio khan-liân, koh kā lí pàng-sak. Tùi só͘-ū ê tāi-chì, góa kám-kak chin pháiⁿ-sè. Tān-sī góa mā hoaⁿ-hí, ū lâng bat tī lí sin-khu-piⁿ, kā lí pó-hō͘, koh ē...thè lí mē lâng."

Leo thun chi̍t-ē chhùi-nōa, sī-sòaⁿ kiâⁿ kē. Adam chù-ì tio̍h i tī-leh kún-ká. "Adam, lí tong-sî tō án-ne lī-khui, góa chiok siong-sim, mā chiok siūⁿ-khì. M̄-koh che it-chhè tāi-chì, goa m̄ bat koài--lí. Lí mā m̄ bô-hoat-tō͘ án-chóaⁿ.

Adam kóng bē chhut ōe. I ta̍h chi̍t kha-pō͘ oan ùi toh-á lâi, kā Leo tau óa-lâi, lám ho͘ tiâu-tiâu.

"Góa chai-iáⁿ lí chin kan-khó͘." I khin-siaⁿ-sè-sòe. "Góa chai," Leo mā sè-siaⁿ kā ìn, "Góa mā sī."

 

Lí sī ī thâu-chi̍t-ê ài tio̍h ê lâng. Adam it-ti̍t thiaⁿ-tio̍h chit kù ōe. I kám-kak iā-sī hoaⁿ-hí, iā-sī pi-siong. In nn̄g lâng pún-siâⁿ ē-tàng án-chóaⁿ hoat-tián? In tàu-té chhò-sit siáⁿ-mih? M̄-koh i mā ū tām-po̍h-á hi-bōng. I pit-su hó-hó lâi khó-lū beh án-chóaⁿ chhú-lí chit tiâu tú chai-iáⁿ ê siau-sit.